ຍິນ​ດີ​ຕ້ອນ​ຮັບ​ສູ່ LaoChatGPT

ພວກເຮົານໍາວັນຂ້າງຫນ້າມາເລີ່ມຕົ້ນທີ່ນີ້

ອັບເດດການເຄື່ອນໄຫວ

11/10/2024 V.1.6.15

  • ທີມງານພວກເຮົາໄດ້ປິດ ບໍລິການ ຊື້ເຕີ່ມເຄຣດິດລົງ ເນື່ອງຈາກເຫັນວ່າ ເທັກໂນໂລຈີທາງເອໄອໄດ້ພັດທະນາຂື້ນໄວ ບໍລິສັດໃຫຍ່ໆທີ່ຢູ່ເບື້ອງຫລັງມີການແຄງຂັນສູງຂື້ນ ເປັນຜົນດີໃຫ້ພວກເຮົາໄດ້ໃຊ້ພັດຟອມເອໄອ ໄດ້ຟຣີຫລືລາຄາຖູກລົງ ເຖີງແມ່ນວ່າພາສາລາວຍັງໃຊ້ໄດ້ໃນຂອບເຂດທີ່ຈໍາກັດ ແຕ່ມີແນວໂນ້ມວ່າວັນນື່ງຂ້າງຫນ້າ ພາສາລາວອາດຖືກບັນຈຸເຂົ້າກັບພັດຟອມຂອງ Open Source ຫລືໜ່ວຍງານພັດທະນາອື່ນໆ.

  • ການປິດບໍລິການ ລະບົບແຊັດຈີພີທີພາສາລາວ ເພາະເຫັນວ່າບໍ່ມີຄວາມຈໍາເປັນສໍາຫລັບຄົນລາວ ທາງທີມງານພວກເຮົາກໍາລັງປັບປຸງລະບົບ ຫາທາງນໍາໃຊ້ເທັກໂນໂລຈີນີ້ເຂົ້າກັບ ແອບພີເຄຊັນ ທຸລະກິດອື່ນໆ ເພື່ອໃຫ້ເກີດຜົນປະໂຫຍດທີ່ສະດວກສະບາຍແລະທັນສະໄຫມ ຈົ່ງຕິດຕາມຜົນງານພວກເຮົາຕໍ່ໄປ ແລະຂໍຂອບໃຈ ສະມາຊິກທຸກທ່ານ ທີ່ໃຫ້ການສະນັບສະໜູນພວກເຮົາຕະຫລອດມາ.

ກ່ຽວ​ກັບ​ພວກ​ເຮົາ

LaoChatGPT ເປັນພລາດຟອມທີ່ທີມງານພວກເຮົາສ້າງຂື້ນມາ ດ້ວຍຈຸດປະສົງເພື່ອໃຫ້ຄົນລາວ ໄດ້ເຂົ້າເຖີງແລະນຳໃຊ້ ເຕັກ​ໂນ​ໂລ​ຊີ​ LLM ຂອງເອໄອ ທີ່ກຳລັງມີບົດບາດອັນສຳຄັນ ກັບສັງຄົມນຸດພວກເຮົາ ໂດຍໃຊ້ພາສາຂອງລາວເຮົາເອັງ ຄົນລາວບໍ່ຈຳເປັນຕ້ອງຮູ້ພາສາອັງກິດ ກໍ່ສາມາດເຂົ້າເຖີງຄວາມຮູ້ແລະນຳໃຊ້ ເອໄອ ເຕັກ​ໂນ​ໂລ​ຊີ​ໄດ້ ຄືກັບຄົນຊາດອື່ນໆ.

LaoChatGPT ນຳໃຊ້ເອໄອໂມໂດ ຂອງຫລາຍບໍລິສັດ ຮ່ວມທັງ open-source ໂດຍການຕໍ່ເຂົ້າໃຊ້ ບໍລິການ APIs ຈາກບໍລິສັດທີ່ມີຊື່ສຽງເຊັ່ນ OpenAI, Google, Groq AI ແລະ Anthropic. ໃນຄະນະນີ້ ເອໄອໂມໂດທັງຫລາຍ ຍັງບໍ່ສາມາດຕອບສະນອງທາງພາສາລາວໄດ້ ເນື່ອງຈາກຂາດຂໍ້ມູນຝຶກສອນທີ່ເປັນພາສາລາວ. ແຕ່ທາງທີມງານພວກເຮົາໄດ້ດັດແປງນໍາໃຊ້ເທັກນິກຫລາຍຢ່າງເພື່ອໃຫ້ພາສາລາວຫລືພາສາຊາດອື່ນໆທີ່ມີຂໍ້ມູນນ້ອຍ ໃຫ້ສາມາດໃຊ້ກັບ ເອໄອໂມໂດເຫລົ່ານີ້ໄດ້. ເບື້ອງຕົ້ນນີ້ລະບົບແປພາສາລາວ ອາດຍັງບໍ່ສົມບູນ. ທີມງານພວກເຮົາ ຈະພະຍາຍາມພັດທະນາໃຫ້ດີຂຶ້ນ ໃຫ້ພາສາລາວເຮົາຢູ່ຄູ່ກັບ ວິວັດທະນາການຂອງໂລກ ໂດຍສະເພາະໃນດ້ານ ໄອທີ ແລະ ເອໄອ ທີ່ກຳລັງຈະມາທົບແທນ ຫລາຍຢ່າງໃນການດຳລົງຊີວິດ ແລະສັງຄົມພວກເຮົາ ບໍ່ວ່າຈະດ້ານໃດໆ ພາສາລາວເຮົາ ຈະຕ້ອງພັດທະນາ ທຽບທັນກັບພາສາຊາດອື່ນໆ.

ເອໄອໂມໂດ ຫລ້າສຸດທີ່ນຳໃຊ້

  • Anthropic:

    Claude 3 Haiku, Sonnet, Opus: ເອໄອໂມໂດ ສ້າງໂດຍ Anthropic, ເຂົ້າໃຈພາສາທໍາມະຊາດ ເປັນ LLM ໂມໂດ ທີ່ສາມາດໃຊ້ກັບພາສາລາວໄດ້ໃນລະດັບນື່ງ ໂດຍບໍ່ຕ້ອງໃຊ້ເອໄອແປເປັນພາສາລາວ.

    ​
  • Google:

    Gemini Pro: ເຂົ້າໃຈພາສາທໍາມະຊາດ (ພາສາເວົ້າ) ແລະສ້າງລະຫັດ code, ຈື່ແລະສືບຕໍ່ສົນທະນາໄດ້.

    ​

    gemini Pro vision: ສາມາດວິເຄາະຮູບພາບໄດ້.

  • Groq AI:

    Llama3.1 70b: open-source ເອໄອໂມໂດ ສ້າງໂດຍ Meta, ເຂົ້າໃຈພາສາທໍາມະຊາດ (ພາສາເວົ້າ) ແລະສ້າງລະຫັດ code, ຈື່ແລະສືບຕໍ່ສົນທະນາໄດ້.

    ​

    Mixtral 8x7b: open-source ເອໄອໂມໂດ ສ້າງໂດຍ Mistal AI, ເຂົ້າໃຈພາສາທໍາມະຊາດ ແລະສ້າງລະຫັດ code, ຈື່ແລະສືບຕໍ່ສົນທະນາໄດ້.

  • OpenAI:

    GPT-3.5 Turbo & GPT 4 Turbo: ເຂົ້າໃຈພາສາທໍາມະຊາດ (ພາສາເວົ້າ) ແລະລະຫັດ code, ຈື່ແລະສືບຕໍ່ສົນທະນາໄດ້.

    GP-4o & GPT-4o mini: ເອໄອໂມໂດຫລ້າສຸດຂອງ OpenAI.

    DALL-E 2 & DALL-E 3: ລະບົບ ເອໄອ ທີ່ສາມາດສ້າງຮູບພາບທີ່ຄ້າຍຄືຂອງຈິງແລະແບບສິນລະປະ ຈາກພາສາຄໍາເວົ້າທີ່ສັ່ງໃຫ້ເອໄອສ້າງໄປຕາມ.

ໂຄງ​ການ​ປະຈຸບັນ​
% ສຳເລັດ
ໂຄງ​ການອະນາຄົດ

ບໍລິການຂອງພວກເຮົາ

ນອກ​ຈາກ​ການ​ບໍ​ລິ​ການ ແຊັດຈີພີທີ ພາສາລາວແລ້ວ ພວກ​ເຮົາ​ຍັງ​ສະ​ຫນອງ​ການ​ບໍ​ລິ​ການ​ອື່ນໆ​, ສໍາ​ລັບ​ທຸ​ລະ​ກິດອົງການໃດ ​ທີ່​ຕ້ອງ​ການ​ການ​ບໍ​ລິ​ການ​ຂອງ​ພວກ​ເຮົາ​ກະ​ລຸ​ນາ ຕິດຕໍ່​ພວກ​ເຮົາ​ໄດ້.

ແຊັດຈີພີທີ ພາສາລາວ

ລາວ ແຊັດຈີພີທີ ສາມາດຖາມຕອບເປັນພາສາລາວແລະອັງກິດ ແລະສືບຕໍ່ສົນທະນາໄດ້ ໃຫ້ຄວາມຫມາຍພາສາລາວ ໄດ້ດີກ​ວ່າ ChatGPT ດັ້ງເດີມ.

ເຄື່ອງມື ເອໄອ

ໃຊ້ເຕັກ​ໂນ​ໂລ​ຊີ ເອໄອ ສ້າງຮູບພາບ, ປະມວນຜົນເອກະສານ, ສະຫຼຸບ, ວິເຄາະ, ແກ້ໄຂ ແປຈາກພາສາລາວເປັນພາສາອື່ນ ແລະໃນທາງກັບກັນ.

ແຊັດບັອດ ພາສາລາວ

ແຊັດບັອດ - ChatBot ແມ່ນການຈໍາລອງການສົນທະນາກັບຜູ້ໃຊ້, ໂດຍ ເອໄອ ສົນທະນາກັບຜູ້ໃຊ້ ຕອບຄໍາຖາມທີ່ກ່ຽວຂ້ອງກັບຂໍ້ມູນ ທີ່ຜ່ານການຝຶກອົບຮົມສະເພາະ.

ສ້າງແລະພັດທະນາ ຊອບ​ແວ ທົ່ວໄປ​

ບໍ່ມີໂຄງການໃດ ທີ່ວ່າຂະຫນາດນ້ອຍຫຼືໃຫຍ່ເກີນໄປ ຫຼືວ່າຍາກເກີນຄວາມສາມາດ ສໍາລັບທີມງານຂອງພວກເຮົາ.

ໂຄງການ

ນີ້ແມ່ນບັນດາໂຄງການທີ່ພວກເຮົາສ້າງແລ້ວ ແລະກໍາລັງສ້າງ.

WebApp
LaoChatGPT WebApp​
MobileApp
LaoTechAI Mobile App​
Tools
ເຄື່ອງມື ເອໄອ​ AI-Tools
DALL-E
ສ້າງຮູບພາບໂດຍພາສາເວົ້າ (DALL-E)

ລາຄາການບໍລິການ

ຈໍານວນ Credit ໃຊ້ສໍາຫລັບຄິດປຽບທຽບລາຄາຂອງ Token ຊື່ງເອໄອແຕ່ລະໂມໂດ ມີລາຄາທີ່ແຕກຕ່າງກັນ

*Token ແມ່ນຫົວຫນ່ວຍຄໍາເວົ້າ ຫຼືເຄື່ອງໝາຍສັນຍາລັກ ທີ່ ເອໄອ ຮັບຮູ້ແລະໃຊ້ເພື່ອປະມວນຜົນ. ໂດຍສະເລ່ຍ 1,000 Tokens ປະມານ 750 ຄໍາເວົ້າພາສາອັງກິດ.

ເປັນຫຍັງຄິດຄ່າບໍລິການ?

ລາວ ແຊັດຈີພີທີ ຕ້ອງຈ່າຍຄ່າໃຊ້ບໍລິການ ລະບົບເອໄອ ຂອງ openAI ແລະຄ່າເຊີບເວີ...ພວກເຮົາກໍາລັງຊອກຫາຜູ້ສະໜັບສະໜູນ (Sponsors) ເພື່ອຊ່ວຍພວກເຮົາໄດ້ຕິດຕັ້ງ ເວີຊັນຟຣີ ໃຫ້ທຸກຄົນໄດ້ໃຊ້

FAQ

Q. ChatGPT ແມ່ນຫຍັງ ແລະໃຊ້ເພື່ອຫຍັງ?

ChatGPT ແມ່ນຕົວແບບພາສາເອໄອ ທີ່ສ້າງຂື້ນມາໃຫ້ມີຄວາມຄ້າຍຄືກັບພາສາເວົ້າລົມ ແບບທໍາມະຊາດ ທີ່ພັດທະນາໂດຍ OpenAI, ChatGPT ສາມາດເຂົ້າໃຈ ແລະໃຫ້ການຕອບໂຕ້ທີ່ສອດຄ່ອງ ຕາມບໍລິບົດຂອງພາສາທໍາມະຊາດ. ມັນໄດ້ຮັບການຝຶກອົບຮົມໃນຂໍ້ມູນຈໍານວນຫຼວງຫຼາຍ ຂອງຂໍ້ຄວາມເພື່ອສ້າງຄວາມເຂົ້າໃຈຂອງຮູບແບບພາສາຂອງມະນຸດ, ເຮັດໃຫ້ມັນມີຄວາມສາມາດໃນການສົນທະນາ, ຕອບຄໍາຖາມ, ການໃຫ້ຄໍາອະທິບາຍ, ແລະອື່ນໆອີກ.

ChatGPT ສາມາດໃຊ້ປະໂຫຍດໄດ້ຫລາຍໆຢ່າງເຊັ່ນ:

  • ເປັນຕົວແທນໃນການສົນທະນາ:

    ChatGPT ສາມາດເປັນຄູ່ຮ່ວມງານ ໃນການສົນທະນາທິບ virtual, ໃຫ້ຜູ້ໃຊ້ສາມາດມີການສົນທະນາແບບໂຕ້ຕອບ ຄ້າຍຄຽງກັບການເວົ້າລົມກັບຄົນຈີງ.

  • ຊ່ອຍສ້າງປະພັນເນື້ອຫາ:

    ChatGPT ສາມາດສ້າງຂໍ້ຄວາມເນື້ອຫາໃນຮູບແບບຕ່າງໆ, ເຊັ່ນ: ບົດຄວາມ, ບັລອກ blog, ບົດລາຍງານ, ຄໍາຮ້ອງ, ແລະອື່ນໆ.

  • ຊ່ວຍຕອບຄໍາຖາມລູກຄ້າ Chatbot:

    ສາມາດໃຊ້ເຂົ້າໃນລະບົບບໍລິການລູກຄ້າ ເພື່ອໃຫ້ຄໍາຕອບ ແລະແນະນໍາລູກຄ້າ ແບບອັດຕະໂນມັດ.

  • ໃຊ້ໃນການແປພາສາ:

    ເຖີງບໍ່ແມ່ນໂຕແບບສໍາຫລັບແປພາສາໂດຍສະເພາະ, ChatGPT ສາມາດໃຫ້ບໍລິການແປພາສາຂັ້ນພື້ນຖານໄດ້ ຊື່ງຂື້ນກັບຄຸນນະພາບປະລິມານຂໍ້ມູນທີ່ຝຶກສອນມາ.

  • ການສຶກສາ ແລະການຮຽນຮູ້:

    ChatGPT ສາມາດໃຫ້ຄໍາອະທິບາຍ, ຕອບຄໍາຖາມ, ແລະສະເຫນີໃຫ້ຄວາມກະຈ່າງແຈ້ງ ກ່ຽວກັບວິຊາຕ່າງໆໄດ້, ເຮັດໃຫ້ມັນເປັນເຄື່ອງມືທີ່ເປັນປະໂຫຍດສໍາລັບການຮຽນຮູ້.

  • ຊ່ວຍເຫຼືອການຂຽນໂປຼແກຼມ:

    ນັກພັດທະນາຊອບແວຣ໌ ສາມາດໃຊ້ ChatGPT ເພື່ອຊ່ວຍເຫຼືອໃນການຂຽນໂຄດ, ຂຽນລະຫັດ ຫຼືຊ່ອຍໃຫ້ເຂົ້າໃຈແນວຄວາມຄິດການຂຽນໂປຣແກຣມ.

  • ຊ່ວຍການສ້າງແນວຄວາມຄິດ:

    ChatGPT ສາມາດໃຊ້ເພື່ອຊ່ວຍໃນການສ້າງແນວຄວາມຄິດ ສໍາລັບໂຄງການຕ່າງໆ, ສ້າງຜະລິດຕະພັນ, ວາງແຜນທຸລະກິດ, ການໂຄສະນາການຕະຫຼາດ, ແລະອື່ນໆ.

  • ນໍາໃຊ້ການປິ່ນປົວ:

    ຜູ້ໃຊ້ບາງຄົນໄດ້ພົບເຫັນວ່າ ChatGPT ສາມາດນໍາໃຊ້ໃນການບໍາບັດການປິ່ນປົວທາງຈິດປະສາດ, ເຖິງແມ່ນວ່າມັນບໍ່ແມ່ນການທົດແທນ ສໍາລັບການຮັກສາສຸຂະພາບຈິດແບບມືອາຊີບ ແຕ່ກໍ່ມີສ່ວນຊ່ອຍໄດ.

  • ທາງບັນເທີງ:

    ChatGPT ສາມາດເອົາໄປໃຊ້ໃນການສົນທະນາແບບເບົາສະບາຍ ແລະຕະຫຼົກ, ບອກເລື່ອງຕະຫລົກ, ແລະຫຼິ້ນເກມທີ່ອີງໃສ່ຂໍ້ຄວາມຄໍາເວົ້າ

  • ແລະອື່ນໆ:

    ໃຊ້ໃນການປະມວນຜົນວຽກງານແບບອັດຕະໂນມັດ, ວິເຄາະຂໍ້ມູນ, ແລະອື່ນໆອີກ...

Q. ChatGPT ມີຄວາມຊັດເຈນຫຼາຍປານໃດ ໃນການປະມວນຜົນແລະຜະລິດຂໍ້ຄວາມ?

ChatGPT ແມ່ນຕົວແບບພາສາ ທີ່ສ້າງຂໍ້ຄວາມແລະຄໍາຕອບ ດ້ວຍການເລີ່ມຕົ້ນຈາກຂໍ້ມູນນື່ງ ແລ້ວປະມວນຜົນຫາຂໍ້ມູນທີ່ໃກ້ຄຽງຫລືຄວນຈະເປັນ Prediction ໂດຍອາໃສການຝຶກສອນຈາກຂໍ້ມູນຢ່າງຫລວງຫລາຍ ,ຢ່າງໃດກໍ່ຕາມ ເຊັ່ນດຽວກັນກັບລະບົບ AI ອື່ນໆ, ຄວາມຖືກຕ້ອງຂອງ ChatGPT ແມ່ນບໍ່ສົມບູນແບບແລະຂື້ນກັບຜົນກະທົບຈາກປັດໃຈຕ່າງໆເຊັ່ນ:

ຄຸນນະພາບຂອງຂໍ້ມູນ, ສະພາບການຂອງການປ້ອນຂໍ້ມູນ, ຂະຫນາດແລະຄວາມຫຼາກຫຼາຍຂອງຂໍ້ມູນ, ແລະຄວາມຊັບຊ້ອນຂອງພາສາທີ່ໃຊ້ໃນການຝຶກສອນ.

ໂດຍທົ່ວໄປແລ້ວ, ChatGPT ປະຕິບັດໄດ້ດີໃນໜ້າວຽກເຊັ່ນ: ການສ້າງຂໍ້ຄວາມ, ການສະຫຼຸບ, ແລະການຕອບຄຳຖາມທີ່ເປັນຄວາມຈິງ. ແນວໃດກໍ່ຕາມ, ມັນອາດຈະບໍ່ສົມບູນກັບວຽກງານທີ່ລະອຽດອ່ອນເລິກເຊິ່ງ ທີ່ຮຽກຮ້ອງໃຫ້ມີເຫດຜົນຖືກຕ້ອງແມ້ນຍຳທົ່ວໄປ

ຄວາມຖືກຕ້ອງຂອງ ChatGPT ສາມາດແຕກຕ່າງກັນໄປຕາມໜ້າວຽກສະເພາະ ແລະຄຸນນະພາບຂອງຂໍ້ມູນທີ່ປ້ອນ. ມັນເປັນສິ່ງສໍາຄັນທີ່ຈະຈື່ຈໍາວ່າ ໃນຂະນະທີ່ ChatGPT ສາມາດສ້າງຂໍ້ຄວາມທີ່ມີຄຸນນະພາບສູງ ມັນຍັງເປັນລະບົບ AI ແລະອາດຈະບໍ່ສະຫນອງການຕອບ ທີ່ຖືກຕ້ອງຫຼືທີ່ກ່ຽວຂ້ອງແບບສະເພາະໄດ້.

Q. ເປັນຫຍັງການປ້ອນຂໍ້ມູນ ຄຳຖາມ​ເປັນພາສາລາວບໍ່ຄອຍໄດ້ຜົນດີ?

ບາງເຫດຜົນທີ່ເປັນໄປໄດ້ວ່າເປັນຫຍັງ ChatGPT ບໍ່ເຮັດວຽກໄດ້ດີສໍາລັບບາງພາສາແມ່ນ:

  • ການຂາດຂໍ້ມູນການຝຶກອົບຮົມ:

    ChatGPT ຕ້ອງການຂໍ້ມູນການຝຶກອົບຮົມຈໍານວນຫຼວງຫຼາຍ ເພື່ອຮຽນຮູ້ຄວາມຫມາຍຂອງພາສາ ຄໍາຄໍານື່ງຫລືປະໂຫຍກນື່ງ ອາດມີຄວາມໝາຍທີ່ແຕກຕ່າງໃນເຫດການທີ່ໃຊ້. ຖ້າບໍ່ມີຂໍ້ມູນພຽງພໍໃນພາສາໃດໜຶ່ງ ChatGPT ຈະບໍ່ສາມາດຕອບສະໜອງໄດ້ຢ່າງຖືກຕ້ອງ.

  • ຄວາມຊັບຊ້ອນຂອງພາສາ:

    ບາງພາສາມີຄວາມຊັບຊ້ອນຫຼາຍກວ່າພາສາອື່ນໆ, ມີກົດເກນໄວຍາກອນ ສັນຍາລັກເຄື່ອງຫມາຍ ແລະຄວາມຫມາຍທີ່ສັບສົນກວ່າ. ໃນກໍລະນີພາສາທີ່ສັບສົນ ChatGPT ອາດຈະພະຍາຍາມສ້າງຄໍາຕອບຂື້ນເອັງໃນເວລາປະມວນຜົນ ຊື່ງນໍາໄປສູ່ການສ້າງຄໍາເວົ້າທີ່ບໍ່ໄດ້ຄວາມຫມາຍຫຍັງຫມົດ ຫລືຜິດພ້ຽນໄປ.

  • ຄໍາສັບທີ່ຈໍາກັດ:

    ChatGPT ອາດຈະບໍ່ມີການເຂົ້າເຖິງຄໍາສັບທີ່ກວ້າງພຽງພໍໃນບາງພາສາ, ເຊິ່ງສາມາດຈໍາກັດຄວາມສາມາດໃນການສ້າງຄໍາຕອບທີ່ຖືກຕ້ອງ.

  • ວັດທະນະທໍາຂອງພາສາຊາດ:

    ChatGPT ອາດຈະບໍ່ເຂົ້າໃຈ ຄວາມຫມາຍທາງວັດທະນະທໍາ ແລະການອ້າງອີງທີ່ສະເພາະກັບບາງພາສາຫຼືພາກພື້ນ. ນີ້ສາມາດນໍາໄປສູ່ການຕອບສະຫນອງທີ່ບໍ່ເຫມາະສົມຫຼືບໍ່ມີເຫດຜົນ.

ວິດີໂອປຽບທຽບ ລາວ ChatGPT vs Bing ແລະ ChatGPT

ຕິດຕໍ່ສອບຖາມ

ຂອບໃຈທ່ານ ທີ່ສະລະເວລາ ຕິດຕໍ່ຫາພວກເຮົາ. ພວກເຮົາ ຈະພະຍາຍາມຕອບທ່ານ ໄວ​ເທົ່າ​ທີ່​ຈະ​ໄວ​ໄດ້.

[ໂຫຼດລະຫັດໃໝ່]